Ângers as d’n titel “Graaf van Horne – De Musical” meschien deut vermoede, és ’t verhaol zieëker neet allein ’n historische opsomming van gebuuërtenisse uut ’t laeve van ‘oeëze’ Graaf Filips van Horne.

We volge Filips in de léste 6 jaor van zie laeve en stappe in op 9 juni 1562. Beej gelaegenheid van ’t huwelik van z’n zöster Maria mét Graaf Pieter Ernst van Mansveld weurtj d’r e groeët fieëst gegaeve op ’t kestieël aanne Beest, woeëbeej ouch Willem van Oranje en Lamoraal van Egmont as gast aanwieëzig zeen. Tiêdes ’n ongerhaod tösse Filips en dieës 2 hieëre spraeke zeuj eur zörg uut oeëver de situasie. De geluifsstriêd tösse de protestânte en kattelieke, en mét name de meneer woeë-op Kuuëning Filips II van Spanje heejmej umgieët és ongerwêrp van gesprek en det vormtj de roeëje draod vör dieës verhaollien mét ’n vör Filips van Horne noeëdlottig indj oppe ‘Grote Markt’ in Brussel.

Mer d’r és mieër. ‘t Heejboeëve geschetszje verhaol, gebazieërdj op historische feite, weurtj gelardieërdj mét fiksie. Heejbeej weurtj de fictieve kânt ingevöldj mét e leefdjesverhaol det op gein înkel meneer mét historische feite kân waere gestaafdj, mer woeëvör de laevessituasie van Filips van Horne waal ruumdje beutj. ’t Stieët toch zieëker vast det ’t huwelik van Filips en Walburgis van Nieuwenaer e verstândshuwelik waas....

“Graaf van Horne- De Musical” spuuëltj zich neet allein aaf inne 16e ieëw, mer kintj ouch z’n verhaol in dieëze tiêd. Waat és de relasie tösse Michiel en ‘oeëze’ Graaf en és in 2018 waal alles zoeë ângers as 450 jaor gelieëje.

Vae huuëre uch dînke: “ Wi-j knuip ich heej ’n taw aan vast?” ’t Antwoeërd op âl eur vraoge huuërdje en zeëtje op vriêdig 11 en zaoterdig 12 mei 2018 beej… “Graaf van Horne – De Musical”.







Meer info / contact: